Во текот на минатиот викенд поставена е темелна плоча на најновиот енергетски ефикасен станбен објект „Црква 3“, што Адора инженеринг го гради на улица „Методија Шаторов Шарло, на почетокот на oпштина Аеродром, Скопје, во комплексот згради во близина на црквата Свети Илија. Во првата фаза на поставувањето темелна плоча на една ламела од објектот, вградени се 1.050 m³ бетон и 91 тон железо. Претходно, ископот на земјиштето е обезбеден со поставување на 77 шипови во јамата, поради висока безбедност на вработените при работата. Вградените бетон и железо во шиповите и во темелната плоча, се гаранција за безбеден објект со врвна сеизмичка стабилност за сигурно домување на станарите, што Адора инженеринг на своите објекти го докажува со тест вештачки земјотрес. На поставувањето на темелната плоча на објектот „Црква 3“ во Аеродром работеше високопрофесионален градителски тим од докажани градежни работници, армирачи и мајстори-неимари, предводени од високостручен, инженерски и раководен кадар на Адора инженеринг, под будното око на искусен надзор. Станбениот објект „Црква 3“ е проектиран на 10 ката, со два влеза, 174 енергетски ефикасни, функционални станови со површина од 31 m², 33, 40, 45, 52, 58, 62 и 72 m² и 4 модерни лифтови, по 2 лифта во секој влез. Ова е единствена станбена зграда каде има две рампи на паркиралиштата на двете подземни нивоа, една рампа за влез и излез и една за излез од подземните паркиралишта. За овој најнов објект што Адора инженеринг го гради во општина Аеродром, во близина на меѓународната автобуска и железничка станица во Скопје, има голем интерес и уште во темели се продадени 64 % од становите, кои на граѓаните ќе им овозможат квалитетно, комфорно и економично домување, според современите светски стандарди.