Изминатиов викенд, Радовиш беше домаќин на голем број гости од Македонија и регионот на третата по ред манифестација „Самун ем татлија“, што и годинава традиционално финансиски ја помогна Адора инженеринг. Посетителите на овој атрактивен настан, имаа можност да ги вкусат старите вкусни радовишки специјалитети самун и татлија и се забавуваа со голем број естрадни уметници од Македонија и Србија, меѓу кои беа популарните Каролина Гочева, Тамара, Харис Џиновиќ, Тумбао салса бенд и групата Молика. Адора инженеринг и фондацијата проф. д-р Ванчо Чифлиганец, во духот на општествената одговорност, солидарноста и хуманоста, продолжуваат и понатаму да поддржуваат манифестации и поедници од областа на науката, образованието, спортот и културата и да ја помагаат заедницата во целина.