Градежниот високопрофесионален тим на Адора инженеринг ја бетонира плочата над шестти кат на комплексот Адора Flatiron Скопје, во која се вградени 400м3 бетон со цврстина на бетон МБ 35 и 50 тони ребреста и мрежеста арматура. Примената на повисоки стандарди од пропишаните, е гаранција за високиот квалитет и стабилност на зградата, која ќе вдоми повеќе од 250 семејства, сопственици на дом изграден по светски стандарди. Ангажираниот стручен тим на Адора инженеринг продолжуваат со армирање, шелување и бетонирање на столбови и ѕидови и армирано-бетонски платна од 7-ми кат. Идејата за изградба на ексклузивен објект, инспириран од архитектонската икона на Менхетен, зградата Flatiron, се реализира според предвидениот план и динамика за работа, а се наоѓа во зона со развиена инфраструктура и сообраќајници, на само 10 минути пеш од централниот плоштад на Скопје. Градежната оператива на Адора инженеринг, на чело со генералниот менаџер, проф. д-р Ванчо Чифлиганец и натаму работи интензивно и посветено, за станарите во рекорден рок да добијат сигурен, атрактивен и топол дом на најдобрата локација во Скопје.