Денеска, во просториите на Семос Едукација се доделија дипломи за успешно завршена Autodesk обука и меѓународно признаени ACU сертификати.
Преку организирањето бесплатна Autocad обука и подготвителна обука за полагање ACU испити, Адора инженеринг заедно со Семос Едукација се придружија на глобалната кампања на Autodesk, за сертификација на знаењата на студентите и едукаторите од повеќе Универзитети во Македонија. Во текот на летото, професорите и студентите следеа бесплатна подготвителна Autodesk обука поддржана од Семос Едукација, а најдобрите 12 слушатели добија можност бесплатно да полагаат ACU испити, поддржани од Адора инженеринг. Учеството во оваа кампања е дел од општествено одговорните активности на овој градежен бренд и поддршката што за образованието и науката во Македонија ја дава Фондацијата проф. д-р Ванчо Чифлиганец.