Адора Инженеринг го поддржа одржувањето на 14-тата меѓународна регата во кајак и кану на мирни води Охрид-2014, што вчера се одржа во центарот на Охрид во организација на кајак-кану клубот Стрмец, најстар клуб во Македонија што постои од 1947-ма година. На традиционалната регата, што се одржа на стазата Мазија од хотелот Палас до хотелот Милениум кај градскиот езерски кеј во Охрид, во конкуренција на клубови од Македонија, Бугарија и Црна Гора, првопласиран беше пласмклубот Црн Дрим од Струга, по кој се пласираа екипите на ЕХО К.К. и Стрмец од Охрид.
Адора Инженеринг ја поддржа 14-тата меѓународна кајак-кану регата Охрид-2014
Меѓународната кајак-кану регата 2014-та, на која учествуваа 80 кајакари од регионот, беше проследена од голем број охриѓани и гости кои сончевиот викенд со пријатно време го минаа на брегот на Охридското Езеро.
Традиционалната поддршка на меѓународната кајак-кану регата во Охрид е дел од општествено одговорните активности со што градежната компанија Адора Инженеринг се грижи за доброто на заедницата, спортистите, граѓаните и младите генерации и ги помага спортските манифестации во Македонија и регионот.