На брегот на Охридското Езеро, кај градското пристаниште во Охрид, започнаа подготвителните работи, со копање на теренот, за поставување камен темелник на новото спомен обележје посветено на големиот христијански празник Богојавление-Водици. На средбата на донаторот на споменикот, Кумот на Водици Охрид-2012, проф. д-р Ванчо Чифлиганец и главниот градежен инженер во Стефан Орачески со претставници на општина Охрид и здружението Богојавление, договорено е во петок, на 31-ви јануари, на верскиот празник Свети Атанасиј, во 12 часот, камен темелникот да биде поставен со свечен чин на осветување од стана на свештеници на МПЦ, сегашниот кум на Водици, охридскиот градоначалник д-р Никола Бакрачески и донаторот, проф. д-р Ванчо Чифлиганец, генерален директор на Адора Инженеринг. Споменикот за Водици, кој ќе биде во духот на традициите на најмасовата прослава на Богојавление во овој дел на православието, е дар за граѓаните, туристите, Охрид и Македонија како ново автентично и атрактивно обележје во центарот на Балкансиот Ерусалим.
Донаторот, проф. д-р Ванчо Чифлиганец, Кум на Водици 2012 во посета на локацијата за споменикот во Охрид