Valoso Hub, меѓународна старт ап компанија, за прв пат во Македонија го организираа првиот ИТ настан Tech.O, дел од StartUp Europe Week, на кој еден од партнерите и поддржувачи е Адора инженеринг. Учесниците имаа можност да слушаат за најновите технологии, иновативни апликации и маркетинг алатки за промоција на бизнисот и да научат како умно да се инвестира во иновативни бизнис и маркетинг стратегии. Во присуство на македонски влијателни ИТ професионалци, иноватори, претприемачи, инвеститори и талентирани млади луѓе, Борче Чифлиганец, одговорен за ИТ секторот во Адора, имаше уникатна можност да го збогати своето знаење во ИТ сферата, со цел да го примени во натамошната работа. Адора инженеринг како дел од своите општествено одговорни практики, продолжува со поддржување на настани чија цел е да едуцираат и да внесуваат иновации во работењето.