Дамите во Адора инженеринг Меѓународниот ден на жената 8-ми март годинава го одбележаа со незаборавно неколкудневно патување во Париз, еден од најубавите и најинспиративни градови во светот. По успешното претставување на 6-тиот Меѓународен саем на недвижности RealExpo 2016, жените вработени во овој градежен бренд се релаксираа и ги исполнија сетилата со прекрасни чувства, шетајќи се низ европската престолнина на историјата, културата, уметноста, модата и убавината. Дамите од Адора по празникот на работните места се вратија со незаборавни спомени од живописниот разглед на градот на светлината, искачувањето на Ајфеловата кула исткаена од челик и чипка, посетата на древната катедрала Нотр Дам, музејската уметничка ризница Лувр, ноќното романтично крстарење под мостовите на Сена, традиционалната француска вечера во боемскиот Монмартр, забавниот ден во волшебниот Дизниленд и уште многу познати места во француската метропола, што секој миг се доживува како вистински подвижен празник, како што го опишал Париз славниот Хемингвеј. Задоволни, со прекрасни спомени од патувањето и другарувањето во Париз, дамите во Адора, духовно збогатени, освежени и уште поамбициозни, продолжија со извршување на работните ангажмани во компанијата. Адора инженеринг, која има богата традиција на корпоративна општествена одговорност, ги наградува своите вработени за вложениот труд и се грижи за нив како свое најголемо богатство преку континуирана поддршка во стручното усовршување и едукацијата, посета на саеми, обуки и конференции, со организирана исхрана на градилиштата, со поддршка во домувањето и семејството и заеднички прослави на значајни поводи и настани, на задоволство на менаџментот и сите вработени. 
8. март. 2024.
