Денеска на платото пред Ректоратот на Универзитетот „Св.Кирил и Методиј“-Скопје се одржа промотивниот настан „Отворен ден-запознајте го УКИМ“ каде што со свој штанд се претстави и Адора инженеринг, давајќи им поддршка на студентите кои како компанија континуирано ги следиме и помагаме. 
Ден на високото образование во Република Македонија, се организира по трет пат од страна на Универзитетот „Свети Кирил и Методиј“- Скопје и е наменет пред се за средношколците од средните училишта во Р. Македонија, но и за студентите кои сакаат да дознаат нешто повеќе за програмите на постдипломски и докторски студии. Адора инженеринг имаше можност да ги запознае сите заинтересирани со активностите кои ги реализира во текот на целата година, а се поврзани со стипендирање и можност за извршување на практична работа во нашата компанија. 
Манифестацијата беше збогатена со музички хепенинг, голема забава со концерт на студенти од Факултетот за музичка уметност во Скопје и познатата македонска пејачка Дани Димитровска. Адора инженеринг во рамките на своите општествено одговорни активности го поддржува oбразованието како темел за напредок на младите луѓе за подобра иднина на Македонија.
20. ноември. 2023.
