НОВОСТИ

НОВОСТИ

КОМЕРЦИЈАЛНА БАНКА КАДЕ АДОРА Е НАЈГОЛЕМ ПОЕДИНЕЧЕН АКЦИОНЕР СО ОДЛИЧЕН ТРИ-КВАРТАЛЕН РЕЗУЛТАТ ВО 2022 И НАЈВИСОК РАНГ ОД МАКЕДОНСКИТЕ БАНКИ НА ТОП 100 НАЈГОЛЕМИ БАНКИ ВО ЈИ ЕВРОПА

КОМЕРЦИЈАЛНА БАНКА КАДЕ АДОРА Е НАЈГОЛЕМ ПОЕДИНЕЧЕН АКЦИОНЕР СО ОДЛИЧЕН ТРИ-КВАРТАЛЕН РЕЗУЛТАТ ВО 2022 И НАЈВИСОК РАНГ ОД МАКЕДОНСКИТЕ БАНКИ НА ТОП 100 НАЈГОЛЕМИ БАНКИ ВО ЈИ ЕВРОПА

Од почетокот на годинава до крајот на септември, Комерцијална банка АД Скопје оствари позитивен финансиски резултат од 1.850,8 милиони денари (30 милиони евра), што споредено со резултатот во истиот период минатата година, претставува зголемување на добивката од 36,6 %. Планираната бруто-добивка за трите квартали од годинава е остварена со 105 %.

Позитивниот резултат во работењето КБ го оствари во услови на сеуште присутни ризици поврзани со Ковид-19 пандемијата, зголемена инфлација која поттикнува затегнување на монетарната политика, енергетска криза и воениот конфликт меѓу Русија и Украина, кои имаат изразено неповолни ефекти врз глобалната економија. Оваа позитивна вест за македонската инвеститорска заедница, доаѓа од најголемата банка во Македонија, каде Адора инженеринг со акционерски удел од 14,99 % е најголемиот поединечен сопственик, а генералниот директор на компанијата проф. д-р Ванчо Чифлиганец е член на Надзорниот Одбор на банката.

Комерцијална банка забележа уште еден интернационален успех. Таа е најдобро рангирана банка од Македонија на ранг-листата SEE TOP 100 најголеми банки во Југоисточна Европа, објавена од порталот SeeNews.com. Во конкуренција на пет банки од земјава, Комерцијална банка го зазеде првото место според вкупната актива на 31 декември 2021 година, а во конкуренција на над 260 банки во Југоисточна Европа е рангирана на 42 место, што претставува едно место погоре во однос на претходното рангирање.

Во очекување да биде одржана макроекономската стабилност во Македонија преку одржување на ценовната стабилност и стабилноста на номиналниот девизен курс на денарот во однос на еврото, од Комерцијална банка најавуваат дека ќе ги преземат сите неопходни активности за прилагодување кон новонастанатите состојби. И во следниот период менаџментот на банката ќе биде фокусиран пред сè на одржување на квалитетот на портфолиото и изнаоѓање флексибилни решенија за барањата на клиентите, ефикасно управување со зголемените трошоци, натамошна дигитализација на процесите и модернизација на деловната мрежа.

Адора

Поврзани вести

АДОРА АПЕЛИРА ДА БИДЕМЕ ХУМАНИ И ВО ОВА ТЕШКО ВРЕМЕ ЗА БИЗНИС И ЖИВОТ

Адора Бизнис Групацијата, и покрај исклучително тешката 2022 година и големите предизвици со кои се соочува модерното општество на мировен, макро, микро економски и општестен

ПРОЧИТАЈ ПОВЕЌЕ

Проф. д-р Ванчо Чифлиганец ја промовира автобиографската книга „Мојот македонски код“ по повод 20 години Адора и други јубилеи

„МОЈОТ МАКЕДОНСКИ КОД – Живеам за да работам – Ако си борец ќе бидеш и творец“, е најновото авторско дело на проф. д-р Ванчо Чифлиганец,

ПРОЧИТАЈ ПОВЕЌЕ

ПОСТИГНАТ Е ДОГОВОР ЗА ПАРНОТО ГРЕЕЊЕ ВО СКОПЈЕ. АДОРА ИНЖЕНЕРИНГ ДОБИ ЦВРСТИ ГАРАНЦИИ ДЕКА ЕСМ ЌЕ ГИ КУПИ ТОПЛАНИТЕ ИСТОК И ЗАПАД И ЌЕ ГО ПЛАТИ ДОЛГОТ КОН КОМПАНИЈАТА

Менаџментот на Адора инженеринг доби цврсти гаранции од ЕСМ АД дека во најбрз можен рок, според сите домашни законски прописи ќе почне постапката за купопродажба

ПРОЧИТАЈ ПОВЕЌЕ

ССК ГИ ПОВИКА ИНСТИТУЦИИТЕ НИЗ ДИЈАЛОГ СО АДОРА ИНЖЕНЕРИНГ ДА ГО РЕШАТ ПРАШАЊЕТО СО ТОПЛАНИТЕ ЗА ДА СЕ ОБЕЗБЕДИ ТОПЛИНСКА ЕНЕРГИЈА ВО СКОПЈЕ И ДА СЕ ПОКАЖЕ ДЕКА ВЛАДЕЕ ПРАВОТО ВО ДРЖАВАТА

Сојузот на стопански комори на Македонија во соопштение до јавноста ù даде безрезервна поддршка на компанијата Адора инженеринг со апел дека правото на сопственост е

ПРОЧИТАЈ ПОВЕЌЕ