Традиционално, Адора инженеринг по повод Православната Нова Година и празникот Василица, за вработените организираше кршење на пита со паричка. Годинава паричката ја најде најмладата во Адора, Ангела Хаџи-Митрова, вработена во правниот сектор, која како најсреќна, според верувањето ќе има многу здравје, среќа, бериќет и успех во 2017-та година. Директорот на финансии Ѓорѓи Рибарски ја подели Василичарската пита на сите вработени, кои на Ангела ѝ посакаа многу лични и професионални успеси и со нејзината младост, стручност и позитивна насмевка да и носи просперитет на компанијата.