Компанијата Адора инженеринг, како еден од значајните поединечни акционери и квалификуван акционер во Комерцијална банка АД Скопје, на сите вработени, на целиот менаџерски тим и на членовите на Управниот и на Надзорниот одбор на Комерцијална банка, како и на сите акционери на банката, искрено им ја честита престижната награда „Најдобра банка во Северна Македонија за 2023 година“ од угледниот магазин Global Finance, што банката ја добива по 12-ти пат. Ова високо признание е потврда за врвната услуга и знаење, посветеност и грижа за клиентите, стабилноста и високото општествено одговорно делување на Комерцијална банка АД Скопје.
„Високото признание Најдобра банка во Северна Македонија за 2023 година, Комерцијална банка АД Скопје по 12-ти пат ја вбројува меѓу најдобрите банки во над 150 држави во светот и ја оправдува вистинската бизнис одлука што Адора инженеринг ја донесе пред пет години, да стане еден од најголемите поединечни акционери во оваа најголема банка со домашен капитал во нашата држава. Горди сме што Комерцијална банка во овие турбулентни времиња на глобалните финански пазари, е лидер во градењето на стабилен банкарски систем во земјата и што даваме директен придонес во развојот на националната економија. Во нашата држава секако имаме повеќе сектори, како што е и банкарскиот сектор, преку примерот со Комерцијална банка АД Скопје, кои можат да се водат успешно и сигурно во чекор со европската и светската економија“, вели проф. д-р Ванчо Чифлиганец, генерален директор на Адора инженеринг.
