Адора инженеринг бара рамноправен третман меѓу странските и домашните инвеститори и помеѓу самите домашни инвеститори.
„За забрана ( мораториум ) за градење неопходно е да постои национална стратегија, а не тоа да се сведува на инцидентни општински одлуки“. Ова е констататирано на средбата меѓу раководството на Стопанската Комора и менаџментот на Адора инженеринг, реализирана во градежната компанија од секторот на високата градба.
Адора инженеринг апелира до надлежните инстанци за рамноправен третман на инвеститорите во високата градба, како меѓу домашните и странските инвеститори, така и меѓу самите домашни инвеститори, со цел на компаниите да им се овозможат еднакви услови за работа.
Во 18 години успешно работење, бројот на вработени во Адора инженеринг достигна до 500, а поради мерките за мораториум на градба во поедини општини, компанијата беше принудена бројот да го намали под 100 вработени. Што се однесува на актуелните состојби во градежниот сектор-висока градба, проблем со кој подолго време се соочува Адора инженеринг е дека при постоење на детален урбанистички план на сопствена градежна локација, компанијата не може да започне со градба на проектиран објект, од што зависи идниот развој на овој градежен бренд.