Децата на вработените во Адора Инженеринг кои денес го имаа првиот ден во училишните клупи, на симболична свеченост, од менаџментот на Адора Инженеринг добија пригодни подароци и искрени желби за среќен почеток на учебната година и успешно школување.
Првачињата со подароците и менаџментот на Адора Инженеринг ген. дир. проф. д-р Ванчо Чифлиганец и изв. дир. д-р Драгана Д. Чифлиганец
Подарувајќи им училишен прибор, таблети, ранци и традиционални сметала, генералниот директор на компанијата проф. д-р Ванчо Чифлиганец во пријатен амбиент потенцира дека младите поколенија на вработените се иднината на Адора Инженеринг, како и на Македонија. „Јас и моите соученици го започнавме школувањето со дрвените сметала, бевме успешни во училиштето, како и во работата, а сега стигнавме до најновите генерации компјутери. Им посакувам на децата на вработените во Адора Инженеринг да бидат успешни во учењето и работењето, најмалку како нивните родители кои се потврдени како успешни стручњаци во компанијата која е меѓу најуспешните во Македонија и еден ден да станат дел од нашиот тим“- им порача на децата и нивните родители ген. дир. проф. д-р Ванчо Чифлиганец, кој им го разубави првиот школски ден на двете Андреи, на Петар, Павел, Дарија, Михаела, Максимилијан и Мила.
Децата на вработените во Адора Инженеринг со училишни подароци на 1 септември
Малите првачиња во Адора Инженеринг посакаа кога ќе бидат големи да станат директори, ветеринари, балерини и принцези, се фотографираа за спомен со менаџментот на компанијата и со двојниот светски првак во кик бокс до 75 кг Димитар Ѓеорѓиев, кој за подготовките за настапот на претстојното европско првенство во кик бокс во Шпанија од компанијата е поддржан со спонзорство од 2000 евра.
Традиционалните одбележувања на важни настани, датуми и поводи за вработените и нивните деца се традиција во Адора Инженеринг во рамките на општествено одговорните практики и грижата за вработените како нејзино најголемо богатство, со што компанијата им возвраќа за нивниот придонес за растот и развојот на Адора Инженеринг.
Традиционални прослави за вработените во Адора Инженеринг и нивните потомци