На 28 aвгуст,  на православниот празник „Пресвета Богородица“ и Денот на македонските рудари, пред 12 години на чело со ген. дир. проф. д-р Ванчо Чифлиганец, беше основана една од  највлијателните компании, која стана лидер во градежниот сектор во Македонија, Адора Инженеринг-Скопје. Денеска елитните станбено-деловни  објекти на Адора Инженеринг, важат за едни од најквалитетните градби во Македонија.  

Станбените објекти освен што се квалитетни, се геомеханички и асеизмички стабилни, што е докажано со „вештачки земјотрес“, тестирање кое компанијата годинава го спроведе по вторпат, во соработка со Институтот за земјотресно инженерство и инженерска сеизмологија ИЗИС. Адора Инженеринг е  прва компанија која изгради станбен објект за колективно домување од високата А класа, овозможувајќи им на своите станари заштеда на енергија и пари за греење и ладење. Стручниот менаџерски тим во Адора Инженеринг континуирано ги следи светските иновации во градењето и ги имплементира во своите најнови елитни градби, гарантирајќи квалитетно, сигурно и економично домување. 

Потврда за успешноста и грижата на компанијата кон купувачите, се бројните меѓународни и национални признанија, како интернационалната наградата за градежништво во 2014 година, доделена во Мадрид од страна на Клубот на водечките градежни и трговски лидери во светот. Според  Централниот Регистар на Р. Македонија, Адора Инженеринг е рангирана како 17-та најуспешна компанија во високоградбата во Македонија за 2013 година, кога ја доби и наградата за најеколошка компанија. 

Одговорноста која Адора Инженеринг ја презема за уредување и грижа кон животната средина е потврдена со осумте национални признанија за најдобри општествено одговорни практики, како и многуте реализирани  општествено одговорни проекти, меѓу кои посебна гордост на компанијата се  донациите на новиот православен храм Свети Јован Крстител во Општина Аеродром-Скопје и спомен обележјето „Богојавление-Водици“ во Охрид.

Во изминативе години компанијата изгради околу 1500 елитни станови во Скопје, Охрид и Струмица, а во тек е градбата на две нови елитни станбено-деловни објекти во Ново Лисиче и започнување со градба на нова зграда во Општина Аеродром, во близина на веќе завршените објекти Аеродром Црква и Аеродром Парк.

Околу 300 вработени се лицето на компанијата, а висококвалификуваниот кадар е составен од искусни инженери, магистри и доктори на науки. Адора Инженеринг која е 12 години присутна на пазарот е синоним за  квалитет, доверба и сигурност. Дванаесет години грижа и одговорност кон своите купувачи. Да подариме среќа и квалитетно домување на уште многу семејства и заедно да прославиме уште многу родендени. Секогаш тука за вас, Адора Инженеринг- Скопје.