На 28-ми август, православниот празник Голема Богородица, во 2002 година, потврдениот успешен стопанственик, општественик и филантроп, проф. д-р Ванчо Чифлиганец ја основа приватната компанија Адора инженеринг. Под мотото Само делата се вистина и под заштита на Патронот Пресвета Богородица, компанијата со основна дејност изградба на станбени и нестанбени згради, прерасна во предводник кој ги помести границите на пазарот за недвижности, стана синоним за стабилни, квалитетни и иновативни домови и пример за општествена одговорност во сферата на бизнисот. Адора инженеринг 21 година е лидер во градежниот сектор – висока градба и секогаш e во врвот на најуспешните компании во Македонија, 10 години меѓу 50-те најуспешни компании, а 6 години меѓу 25-те најуспешни компании во Македонија.
Низ стратешка бизнис и географска диверзификација, последните години градежната дејност ја проширивме во регионот на Балканот. На прекрасниот Златибор го изградивме автентичниот апарт хотел 21st Century Zlatibor Residence, Spa & Wellness by Adora, наш прв, пионерски проект во Србија. Овој уникатен концепт на хотелски комплекс со инвестициски апартмани, единствен по силниот авторски израз и дизајн на екстериерот и ентериерот, нуди бескомпромисен квалитет на задоволства и за најпребирливите планински хедонисти.
Во Грција, во срцето на централното старо градско јадро на Солун, го градиме станбено-деловниот објект Thessaloniki 21, создаден за домување и бизнис со препознатливата урбана елеганција на овој мегалополис. За совршен морски одмор во еколошки чиста природа, во Грција ги изградивме туристичкиот бутик комплекс B&D Luxury Suites на Голден бич, една од најубавите плажи на зелениот остров Тасос, и комплексот со луксузни вили над плажата во питоресктното Криопиги на Халкидики.
Во текот на изминатите 21 година имаме изградено 400.000 m² површина, 40 објекти во Скопје, Охрид, Струмица, Македонија и регионот, 3.000 домови со 13.000 жители, а за изградба на подобар свет, имаме вложено над 5 милиони евра. Веруваме дека по повеќегодишните мораториуми за градење, доаѓаат посветли времиња и дека во амбиент на поволна бизнис клима, повторно ќе градиме на македонскиот пазар. На најатрактивна локација каде се вкрстуваат сите патишта во Скопје, нашата визија е да изградиме нов урбан комплекс, достоен да го краси срцето на главниот град.
