Кошаркарскиот клуб МЗТ Скопје-Аеродром, кој е поддржан од Адора Инженеринг-Скопје, во сабота, на 12-ти октомври, во 19 часот во спортскиот центар „Борис Трајковски“ во Скопје како домаќин ќе има натпревар со гостинскиот клуб „Будучност“ од Подгорица, Црна Гора. За натпреварот кој е во рамките на третото коло на АБА Јадранската лига, има голем интерес во спортската јавност. Поддршката на кошаркарскиот клуб МЗТ Скопје-Аеродром е во рамките на бројните општествено одговорните практики на Адора Инженеринг-Скопје за помагање и развој на спортот и за доброто на пошироката заедница.