Со садење садници од рози во зелените појаси во општина Аеродром, покрај булеварот „Видое Смилевски Бато“ во Скопје, на првиот ден на пролетта започна националната еколошка акција под мотото „Македонија земја на цвеќето, Македонија земја на розите“. Првите леи со рози ги засадија претставници на владата, општините, институции, невладини организации, граѓани, ученици и претставници на бизнис заедницата.
Министерот за информатичко општество Иво Ивановски, градоначалниците на Град Скопје Коце Трајановски и на Аеродром Ивица Коневски и проф. д-р Соња Лепиткова, држ. сек. во мин. за животна средина засадија рози
-Акцијата е продолжение на кампањата која минатата година започна во Скопје под мотото „Скопје град на цвеќето, град на белата роза“. Експертската студија покажа дека розата е растение кое врши прочистување на животната средина, преку извлекување на тешките метали, особено оловото и кадмиумот и другите негативни честички од воздухот и од почвата. Поаѓајќи од ова владата одлучи акцијата годинава да биде проширена на територијата на целата држава, опфаќајќи ги сите градови во Македонија. Изразувам благодарност до сите општини, јавните претпријатија, институции, невладините здруженија, училиштата со креациите на учениците и пред сè до бизнис секторот кои дадоа голем придонес учествувајќи со огромен број на садници, акцијата да успее и да има видливи резултати.- порача проф. д-р Соња Лепиткова, државен секретар во министерството за животна средина, која најави дека акцијата ќе биде традиционална и ќе резултира со декоративно убави паркови и булевари и корисна еколошка димензија, а Македонија ќе ја обои во бојата на розата.
Градежната компанија Адора Инженеринг во рамките на акцијата „Македонија земја на цвеќето, Македонија земја на розите“ утре ќе засади 200 садници со рози во парк шумата „Алекандрија“ околу резиденцијалниот објект во Црниче, Скопје. Како општествено одговорна компанија, Адора Инженеринг ја поддржува оваа еколошка акција и со обезбедување на награди-велосипеди за најуспешните и најкреативни учесници.
Претставници на Адора Инженеринг засадија рози во општина Аеродром, во акцијата „Македонија, земја на цвеќето, Македонија земја на розите“.
Адора Инженеринг со еко зелени појаси и садници на цвеќе околу своите станбени објекти