Адора Инженеринг во соработка со Црвениот Крст на Град Скопје организира акција за донирање користен мебел и покуќнина од станарите во сите станбено-деловни објекти на овој градежен бренд во Скопје. Целта на оваа хуманитарна акција, што е во рамките на општествено одговорните практики на Адора Инженеринг е да им се помогне на граѓаните кои имаат потреба од мебел и покуќнина, полесно да го опремат својот дом за убав почеток на нов живот. Станарите во објектите на Адора Инженеринг во Скопје, кои сакаат да донираат користена покуќнина и мебел, треба да контактираат со Црвениот Крст на Град Скопје на телефон 02 31319 578, секој работен ден од 8 до 16 часот. Хуманитарната акција ќе им помогне на станарите да ослободат нов простор во своите домови и дарувајќи им користена покуќнина и мебел на другите, да направат добро дело што ќе ги усреќи сите.