Поглаварот на МПЦ, Архиепископот Охридски и Македонски, г.г. Стефан, проф. д-р Елизабета Димитрова, познат византолог, професор на Институтот за историја на уметост и археологија при Филозофскиот факултет во Скопје и проф. д-р Валентина Божиновска, директор на Комисијата за односи со верските заедници, денеска ја посетија црквата Свети Јован Крстител, што како донација на Адора Инженеринг се гради во паркот со авион во Скопје, Ново Лисиче, општина Аеродром. Гостите, заедно со ктиторот проф. д-р Ванчо Чифлиганец, ген. дир. на Адора Инженеринг и зоографот, академскиот сликар Венко Цветков, го разгледаа црковниот храм и ги анализираа фазите на изградба и неговото фрескоживописување, со цел секој со својата стручност и компетентност да даде мислење, оценка и насоки, како придонес за натамошната реализација на овој значаен проект. Новата црква посветена на Свети Јован Крстител, на кејот на реката Вардар во општина Аеродром, се гради како подарок на ктиторот д-р Чифлиганец, неговото семејство и Адора Инженеринг на сите православни верници во општина Аеродром, каде компанијата има најголеми инвестиции, со 11 станбено-деловни објекти, каде живеат 800 семејства, на градот Скопје и на Македонија.
Архиепископот г. г. Стефан, проф. д-р Димитрова и проф. д-р Божиновска во посета на црквата Св. Јован Крстител