Извршниот директор на „Адора Инженеринг“-Скопје, д-р Драгана Чифлиганец, со презентација на тема „Пазарот на недвижнини, состојби и перспективи“, во хотелот „Стоун Бриџ“ во Скопје се претстави на V годишниот бизнис форум, кој вчера се одржа во организација на Ротари клубот Скопје-Центар. Пред претставници на дипломатскиот кор, членовите на Ротари клубовите од Скопје и Македонија, претставници на бизнис и општествената заедница, д-р Драгана Чифлиганец со компаративна анализа се осврна на секторот за градежништво и пазарот на недвижности, како најбрзорастечка и главна, носечка дејност во растот и развојот на македонската економија.
„Му благодарам на Ротари клубот Скопје-Центар, за можноста пред учесниците и гостите на Бизнис форумот да ги претставам искуствата од работењето на „Адора Инженеринг“. Ова беше ретко убава прилика пошироката јавност да дознае повеќе за актулените состојби на пазарот на недвижности низ елаборирано објаснување на неговите креатори зошто наместо цените, најважен фактор за долгорочна, трајна и сигурна инвестиција во недвижностите и купување нов дом е нивниот квалитет. Сметам дека вакви анализи се многу потребни и корисни за економијата, граѓаните и државата“-вели д-р Драгана Чифлиганец, извршен директор на Адора Инженеринг-Скопје.
