Извршната директорка на Адора Инженеринг-Скопје, д-р Драгана Чифлиганец е во посета на големиот саем на недвижности „Cityscape“ што се одржува во Светскиот трговски центар во Дубаи, Обединетите Арапски Емирати. Саемот посветен на градскиот пејсаж е клучен настан на пазарот на недвижности на Блискиот Исток на кој 25.000 инвеститори, претставници на регионални и локални власти, програмери, архитекти, дизајнери и други стручњаци, ги промовираат инвестициите и разменуваат мислења и идеи кои се главен двигател на растот и развојот на пазарот на недвижности во целиот свет. Стекнатите искуства за современите глобални трендови во областа на недвижностите, д-р Драгана Чифлиганец со тимот на Адора Инженеринг ќе ги имплементира во работата на компанијата, лидер во градежништвото и високоградбата во Македонија.
Раководителот на проектантското биро на Адора Инженеринг, архитектот Ванчо Ѓеорѓиевски, беше во посета на „MADE expo“ 2013, реномираниот Саем за архитектура, дизајн, иновации и градежништво, што деновиве се одржа во Милано, Италија. Стекнатите сознанија за врвните современи италијански трендови во архитектурата, најновите градежни материјали, со посебен осврт на одржливата архитектура, пасивните објекти за домување и софтверите од областа на проектирањето и изведбата, Ѓорѓиевски со тимот архитекти ќе ги имплементира во проектирањето на новите елитни станбени објекти на Адора Инженеринг.
