D-r_Cifliganec_Ohrid-spomenik_Vodici

СПОМЕНИКОТ ЗА ВОДИЦИ-ДОНАЦИЈА НА ПРОФ. Д-Р ВАНЧО ЧИФЛИГАНЕЦ ЌЕ БИДЕ ПОСТАВЕН ВО ОХРИД ДО ЛЕТНАТА ТУРИСТИЧКА СЕЗОНА 2014

„Спомен обележјето посветено на големиот христијански празник Богојавление – Водици во центарот на Охрид, кај градското пристаниште, ќе биде поставено до почетокот на главната летна туристичка сезона 2014-та година“.- потврди донаторот на споменикот проф. д-р Ванчо Чифлиганец, ген. дир. на Адора Инженеринг Скопје, Кум на Водици Охрид-2012, на изборот на новите кумови за Водици-2014, градоначалникот на Охрид д-р Никола Бакрачески и приватниот  стопанственик Сашо Симески. Д-р Чифлиганец на свечената седница на здружението Богојавление во општина Охрид истакна дека Охрид заслужува споменик за Водици и дека тоа што го ветил пред охриѓани и ќе го оствари.

„Новата локална самоуправа ја прифати претходно покренатата иницијатива на што и благодарам, локациските услови се утврдени и се надевам дека до празникот Водици ќе биде поставен постментот, а спомен обележјето очекувам да биде готово до почетокот на туристичката сезона во Охрид догодина, доколку не се случат некои непредвидени работи“. – порача проф. д-р Ванчо Чифлиганец, ген. дир. и сопственик на најуспешната градежна компанија во Македонија Адора Инженеринг Скопје.

Новите кумови на Водици Охрид-2014, градоначалникот д-р Никола Бакрачески и стопанственикот Сашо Симески најавија богата четиридневна програма за празникот Водици на најмасовната прослава на Богојавление во Охрид, којашто ќе ја поддржи и поранешниот кум на Водици-2012, проф. д-р Ванчо Чифлиганец.

 

Архива