ДЕЛОВЕН ОБЈЕКТ

АДОРА FLATIRON СКОПЈЕ

Во препознатливиот станбено-деловен комплекс Адора Flatiron, новиот урбан симбол во срцето на Скопје, има еден слободен ексклузивен деловен простор од 70 m², со иделани услови за развој на успешни бизниси и дејности.

Деловниот простор со површина од 70 m² кој се продава, се наоѓа во приземниот дел на македонскиот Flatiron, на северната страна од објектот, со посебен влез од надвор, со внатрешна висина од 4,5 метри и сопствени паркиралишта пред него.
Деловниот простор бр. 8 е во опкружување на други локали во кои се сместени познати брендови и марки во приземјето и во деловниот бизнис центар во рамките на објектот, што е одличен амбиент за успешна работа во зградата со голем број станари и густо населено опкружување, на 900 метри далечина или само 7 минути пеш од строгиот центар на метрополата.
Најважни предности на деловниот простор се неговата привлечна позиционираност во препознатлив, грандиозен објект во главниот град, на границата меѓу општините Ценатр и Кисела Вода, сместен на доста фрекфентен простор, меѓу динамични главни сообраќајници во централната зона на Скопје. Објектот и деловниот простор се лесно достапни, пеш, со возила, со такси и градски јавен превоз. Објектот е опкружен со развиена сообраќајна и друга инфраструктура, во близина се повеќе значајни институции, маркети, банки и други установи, поради што тука има голема раздвиженост на потенцијални клиенти.
Со атрактивната локација, високиот квалитет, современите стандарди и иновативни решенија, докажаната безбедност, уникатниот стил и дизајн, овој деловен простор нуди идеални услови за почеток и развој на успешни бизнис приказни и услужни дејности од разлечни сфери.

АТРАКТИВНА ЛОКАЦИЈА ЗА УСПЕШНИ БИЗНИСИ

Грандиозниот станбено-деловен комплекс Адора Flatiron е на една од најатрактивните локации во централното подрачје на Скопје, на 900 метри оддалеченост или 7 минути пеш од главниот плоштад во македонската метропола. Објектот е на бул. „Борис Трајковски“ бр. 1, во месноста Стара Рампа, на границата меѓу општините Центар и Кисела Вода. 

Во близина се повеќе значајни институции: Републичкото Собрание, Градски Трговски Центар, Парк Жена Борец, Зелен пазар, Општа градска болница, Олимписки базен, средните училишта В. А. Дрен и Р. Ј. Корчагин, основните училишта Димитар Миладинов и 11 Октомври, детски градинки, Економскиот институт, универзитетите Американ Колеџ и Свети Кирил и Методиј, Сивус, Тутунски комбинат, зградата на Општина Кисела Вода, Народната Банка, трговските центри Веро и Рамстор, меѓународната и меѓуградска автобуска и железничка станица, Македонска пошта, Поликлиника МВР, повеќе банки и други установи и објекти. 

Комплексот и деловниот простор се во доста фрекфентна зона со развиена инфраструктура и сообраќајници, со лесна достапност пеш, со сопствени и такси возила и со јавен градски превоз. Располага со сопствени паркиралишта, со што сопствениците на станови и деловни простории, посетителите и клиентите се ослободени од грижа и стрес при паркирање. На дофат на објектот се сите удобности на современ урбан стил на живот, лесно функционирање и особено за развој на различни успешни бизниси и услужни дејности во уникатно дизајниран амбиент во централната зона на главниот град.

ВИСОК КВАЛИТЕТ · СТАБИЛНОСТ · КОМФОР · УНИКАТЕН СТИЛ И ДИЗАЈН

  • Врвна статика и асеизмичка стабилност, потврдена со вештачки земјотрес
  • Армирано-бетонска плоча од 155 cm, 40-60 % железо, арматура и бетон над проектираното
  • Енергетска ефикасност А-класа верифицирана со сертификат
  • Органска фасада од реномираниот бренд STO, паропропусна, водонепропусна
  • REHAU GENEO FIPRO прозори со безметални ПВЦ профили ( шесткоморни, со трислоен стаклопакет, едно четирисезонско стакло и одлична изолација )
  • Фотоволтаични соларни системи со обновливи извори на енергија, за заедничко осветлување, без сметки за струја, верифицирано со енергетски сертификат
  • Звучна изолација до 63 db, 80 % над македонските стандарди, акустичен комфор за мирно домување, верифициран со првиот сертификат на Rigips ( Saint Gobain )
  • Безбедни, експресни, бесшумни, модерни лифтови од светскиот бренд KONE
  • Противпожарен спринклер систем за детекција и автоматско гаснење пожар
  • Подови од двослоен паркет дабово дрво од брендот ТАРА
  • Ѕидна и подна ќерамика од шпанскиот бренд ROCA
  • Опрема за бањи од познатиот бренд KOLPA SAN
  • Санитарна опрема ( чешми и казанчиња ) за бања од брендот GROHE
  • Модерни сопствени паркиралишта на 3 подземни нивоа со подвижни врати, веритакална и хоризонтална сигнализација, контролиран влез и излез со далечински управувач, а има и паркиралишта на партер ( околу објектот ). 
  • Објектот е илуминиран ( осветлен ) во вечерните часови, со што тој е доста впечатлив, лесен за лоцирање и едноставно неодминлив во центарот на Скопје.

Локација: бул. Борис Трајковски бр.1 Кисела Вода-Скопје 
Слободен 1 ексклузивен деловен простор: 70 m²
Сопствени паркинг простори
Со имотен лист!