Со поддршка во организирањето на бесплатна Autocad обука и подготвителна обука за полагање Acu испити, Адора инженеринг во соработка со Семос Едукација се придружи на глобалната кампања на Autodesk за сертификација на знаењата на студентите и едукаторите. На тридневните обуки што започнуваат на 24-ти јуни, со стручниот предавач Мирослав Клампфер, Адора инженеринг обезбеди 12 бесплатни ACU испити за 12 најдобри кандидати, Семос Едукација обезбеди бесплатна подготвителна обука за полагање на ACU испити за 12 кандидати, а Autodesk обезбеди бесплатен софтвер за едукатори и студенти. До 20-ти јуни, пријавите се доставуваат во Семос Едукација, а секој професор може да го предложи својот најдобар студент и заедно да ја следат бесплатната обука и бесплатно да полагаат испит. Обуката за најдобрите 12 кандидати кои ќе бидат избрани по пат на прелиминарно тестирање е единствена можност, наменета за едукатори, студенти и професионалци кои имаат минимум една година искуство во работа со AutoCAD. Во текот не летниот период, ќе се организираат и други Autodesk кампањи, кои имаат цел поинтензивно користење на Autodesk програмите и сертификација на овие знаења. Поддршката за полагањето на 12-те бесплатни ACU испити е во рамките на општествено одговорните активности на градежната компанија Адора инженеринг и поддршката што за образованието и науката во Македонија, ја дава Фондацијата проф. д-р Ванчо Чифлиганец. Пријавување и повеќе информации на линкот. 
1. мај. 2023.
