НОВОСТИ

НОВОСТИ

НОВ ЕЛИТЕН СТАНБЕН ОБЈЕКТ ГРАДИ АДОРА ИНЖЕНЕРИНГ ВО СРЦЕТО НА ОПШТИНА АЕРОДРОМ-СКОПЈЕ

НОВ ЕЛИТЕН СТАНБЕН ОБЈЕКТ ГРАДИ АДОРА ИНЖЕНЕРИНГ ВО СРЦЕТО НА ОПШТИНА АЕРОДРОМ-СКОПЈЕ

„Адора Инженеринг“ забележа нов градежен рекорд, подигнувајќи за само 56 дена нов елитен станбено-деловен објект во срцето на општина Аеродром во Скопје, во близина на Меѓународната железничка и автобуска станица, на просторот на старите воени бараки, за кој општина Аеродром го издаде првото електронско  одобрение за градба со бр. 23 – 100. Овој висококвалитетен објект е изграден до 14-тата плоча, на 13 нивоа и досега во него се вградени 5.000 м³ бетон и 600 тони железо. Првиот од трите станбено-деловни објекти проектирани на оваа локација, ќе има 100 ексклузивни модерни станови и деловни простории, како и современи надземни и подземни  паркиралишта. Комплексот со трите нови елитни станбено-деловни објекти се наоѓа до булеварите Кузман Јосифовски-Питу и Јане Сандански, во близина на црквата Свети Илија, здравствената поликлиника Јане Сандански, Основното училиште Блаже Конески, две детски градинки, трговски центри, банки и други институции.

Новоизградениот елитен станбено-деловен објект на Адора во Скопје-Центар-Аеродром
Локацијата во општина Аеродром-Скопје пред изградбата на новите објекти на Адора

Во трите  објекти, кои ќе бидат на девет ката, ќе има по стотина елитни станови со површина од 32 до 83 м², изградени со врвна асеизмичка стабилност, со темелна плоча од 120 см, со стабилна и цврста армирано бетонска конструкција, со  квалитет според европските стандарди, енергетски ефикасни материјали и висок степен на хидро и термоизолација, со вградување на 10 цм стиропор во надорешната фасада. Проф. д-р Петар Николовски, стручњак за енергетска ефикасност, ги потврди енергетските карактеристиките на објектот со елаборат за топлинска заштита, според кој станарите ќе имаат долгорочна заштеда на енергија и пари, со намалена потрошувачка на енергија за греење за 4 пати. Новите елитни објекти ќе бидат со интересна архитектура и функционални решенија на станбените единици, со уредена и хортикултурно оплеменета околина за модерно урбано живеење и релаксација на станарите.

Новите стабено-деловни објекти на Адора во општина Аеродром-Центар-Скопје

Од почетокот на градба, во која учествуваат стотина вредни градежни работници-неимари, целиот менаџерски тим на „Адора Инженеринг“, предводен од генералниот директор, проф. д-р Ванчо Чифлиганец, инженерскиот и архитектонски тим и комплетниот стручен потенцијал на компанијата, се целосно посветени на работата на новиот станбен објект. „Визијата на Адора Инженеринг, САМО ДЕЛАТА СЕ ВИСТИНА се остварува и натаму за брза и квалитетна изградба на сигурни и економични еко домови по најновите европски стандарди.  Потврда за тоа е новиот станбено-деловен комплекс кој го градиме во центарот на општина Аеродром-Скопје, за кој има голем интерес кај купувачите, чија доверба е наша обврска и голема морална одговорност за безбедно живеење на граѓаните  во иднина“. – порача проф. д-р Ванчо Чифлиганец, ген. дир. на „Адора Инженеринг“.

Ген. дир на „Адора Инженеринг“ проф. д-р Ванчо Чифлиганец

Градежните работници на „Адора Инженеринг“ на изградба на новиот објект во Аеродром
 

                               

 

Адора

Поврзани вести

Адора со донација на лаптоп-компјутери за библиотеката во Радовиш

Во рамки на одбележувањето на 24 години Адора Бизнис Групација, на 28 август беше реализирана донација на лаптоп-компјутери за Општинската народна библиотека „Браќа Миладиновци“ во

ПРОЧИТАЈ ПОВЕЌЕ

Признание за проф. д-р Ванчо Чифлиганец за неговиот тридецениски придонес во македонското рударство

По повод Денот на рударите – 28 Август, Министерството за енергетика, рударство и минерални суровини му додели признание на проф. д-р Ванчо Чифлиганец за неговиот

ПРОЧИТАЈ ПОВЕЌЕ

Оглас за вработување

Помошник во кујна ПУСЗ „Оаза“ – приватна установа за вон-семејна социјална заштита на стари лица, го проширува својот тим и има потреба од помошник готвач

ПРОЧИТАЈ ПОВЕЌЕ

ОГЛАС ЗА ВРАБОТУВАЊЕ

Медицински сестри / Медицински техничари ПУСЗ „Оаза“ – приватна установа за вон-семејна социјална заштита на стари лица, го проширува својот медицински тим и има потреба

ПРОЧИТАЈ ПОВЕЌЕ

ОГЛАС ЗА ВРАБОТУВАЊЕ

Негуватели / Негувателки ПУСЗ „Оаза“ го проширува својот тим и има потреба од негуватели / негувателки кои со својата посветеност и професионалност ќе придонесат за

ПРОЧИТАЈ ПОВЕЌЕ

Официјално отворен Домот за стари лица „ОАЗА во Општина Илинден

Во присуство на претседателот на Владата, проф. д-р Христијан Мицкоски, претставници на државни и локални институции, деловната заедница, соработници и гости, официјално беше отворен Домот

ПРОЧИТАЈ ПОВЕЌЕ