На 28 август 2002 година започна приказната на Адора, приказна изградена со знаење, истрајност и јасна визија дека само делата се вистина. Низ годините, Адора растеше заедно со своите вработени, партнери и соработници, претворајќи ги идеите во проекти што оставаат свој белег.
Денес, 24 години подоцна, Адора Бизнис Групација е препознатлив македонски бренд со делување во градежништвото и недвижностите, банкарството, енергетиката, инвестициите и социјалната заштита. Со проекти и инвестиции во Македонија, Грција, Србија, Словенија и Дубаи, Групацијата продолжува да го проширува своето присуство, останувајќи доследна на вредностите врз кои е создадена.
Во срцето на Скопје се гради Порта Скопје by Adora, современ станбено-деловен комплекс што носи нова димензија на урбаното живеење. Оаза by Adora, најсовремениот регионален центар за грижа, нега и рехабилитација на повозрасни лица, претставува инвестиција во достоинствено секојдневие, професионална поддршка и подобар квалитет на живот. Проектите во Неа Флогита, Грција и Љубљана, Словенија, го продолжуваат присуството на Адора на европскиот пазар.
Но, успехот за нас никогаш не бил само бројка. Тој се мери преку стекнатата доверба, долгорочно создадените вредности и одговорноста кон општеството. Затоа, поддршката на луѓето, особено на младите, на заедницата, институциите и значајните иницијативи низ годините останува важен дел од нашето делување.
Оваа годишнина ја одбележуваме со особена емоција, без нашиот Душко Чифлиганец, најцврстиот столб на Адора, човек со авангарден дух, визија и идеи кои продолжуваат да живеат. Во 32 години заедничка работа, тој остави силен и неизбришлив белег во развојот на Групацијата. Неговата енергија, храброст и посветеност нè потсетуваат дека најголемите идеи ја добиваат својата вистинска вредност тогаш кога ќе бидат претворени во дела.
Продолжуваме да градиме во Македонија и надвор од неа – храбро, одговорно и со јасна визија за иднината.






