Со можност за добивање најнов модел автомобил ПОЛО и традиционалната награда патување во Дубаи, градежната компанија Адора Инженеринг ќе наградува купувачите на стан на 4-тиот меѓународен Саем на недвижнини и инвестиции REALEXPO 2014, што ќе биде отворен денес, 4 март, на скопскиот саем. Вредната награда „Со купен стан, до автомобил ПОЛО“, имаат можност да ја добијат сите кои ќе купат нов дом од Адора Инженеринг на Саемот на недвижнини, кои заедно со останатите купувачи на стан во текот на 2014-та година, ќе влезат во игра за извлекување на среќниот добитник на автомобил ПОЛО. Во духот на традицијата, како и минатите години, сите купувачи на нов дом од компанијата на Саемот на недвижнини и инвестиции 2014-та, со Адора Инженеринг ќе одат на незаборавно патување во светската туристичка атракција, урбанистичко и градежно чудо Дубаи.
Адора Инженеринг, препознатлива по 100 % македонска квалитетна градба, на саемот ќе учествува со уникатен штанд, на кој се презентирани европскиот квалитет и врвната стабилност на станбените објекти, два пати докажана со „вештачки земјотрес“, понудата на станови, со новите инвестициски проекти во општина Аеродром и Ново Лисиче во Скопје, кои се вклопени во “Купи куќа, купи стан“, како и низа поволности и изненадувања за купувачите на стан и посетителите на штандот на Адора Инженеринг на RealExpo 2014.






