„Човек може без храна 14 дена, без вода 7 дена, ама без смисла – ни еден Единствен миг!“ Ова е една од пораките на реномираниот писател Венко Андоновски, дописен член на МАНУ, што компанијата Адора инженеринг ја избра на хуманитарната аукција, чии средства се наменети за финансиска поддршка на настраданите во катастрофалниот земјотрес во Турција и Сирија.
На доделувањето на годинашната награда „Стале Попов“ за романот „Папокот на светлината“ од Друштвото на писателите на Македонија, Андоновски, еден од најдобрите современи македонски писатели, ја покажа човечноста на дело. Тој напиша 15 авторски пораки на 15 ликовни платна, кои преку хуманитарна аукција ù беа понудени на бизнис заедницата под мотото „Купи порака и помогни на Турција и Сирија“, за собирање финансиски средства за донација со пораки да бидеме хумани, солидарни и единствени кога е најпотребно.
На неповторливиот проф. д-р Венко Андоновски што ние во „Адора инженеринг“ го знаеме како човечен, кому зборовите му се најмоќно оружје, му честитаме за престижната награда „Стале Попов“ и му порачуваме: „Драг наш пријателe, создавач на добри дела, немој да се менуваш, како таков човек ù требаш на Македонија!“
