НОВОСТИ

НОВОСТИ

Промовирани спортската монографија и документарен филм „Македонскиот сон – Ние сме светски шампиони“ во издание на Фондацијата проф. д-р Ванчо Чифлиганец

Промовирани спортската монографија и документарен филм „Македонскиот сон – Ние сме светски шампиони“ во издание на Фондацијата проф. д-р Ванчо Чифлиганец

На свеченост организирана од Фондацијата проф. д-р Ванчо Чифлиганец, синоќа во Скопје се одржа промоција на монографијата и премиера на документарниот филм со ист наслов „Македонскиот сон – Ние сме светски шампиони“, посветени на неповторениот триумф на клупскиот спорт во Македонија, освојувањето на европскиот и светскиот златен медал во борење слободен стил на радовишките борачи. Двете изданија низ автентични искажувања на борачите, спортските работници и поддржувачите, со многу фотографии и видео записи, сведочат за патот на успехот на Боречкиот клуб „Бучим-Јака“ од Радовиш, до европското злато во 1995-та и светското злато во 1996-та година. Автори на своевидната спортска енцилопедија за борењето во Македонија се проф. д-р Ванчо Чифлиганец, познатиот стопанственик, некогашен борач и неуморен поддржувач на спортот и борачот Славчо Тодоров. Зад филмот кој ги доловува сите значајни и возбудливи моменти на „златната македонска боречка приказна“ , но и на општествениот амбиент во младата самостојна македонска држава, стојат режисерот проф. д-р Јани Бојаџи и сценаристот проф. д-р  Сашко Насев.

Книгата и филмот се издадени по повод 25 години од освојувањето на светската шампионска титула во борење од страна на „Бучим-Јака“, кој малиот град Радовиш со златни букви го запиша на европската и светска мапа на големите спортски велесили, 60 години од постоењето на современото борење во Радовиш и јубилеот 30 години независна Македонија. Монографијата го овековечи најхрабриот космополитски сон на македонските борачи, кои со макотрпни тренинзи, поддржани од рудникот Бучим, спортските работници предводени од проф. д-р Ванчо Чифлиганец и френетичната публика, ги совладаа тогашните магнати во борењето, унгарската екипа Чепел, турскиот клуб Тедаш и  легендарниот американски шампион Дејвид Шулц, афирмирајќи ја Македонија со светски спортски успех, претворајќи го личниот сон во колективен и национален.

На промоцијата, апел за поголема поддршка на спортот упати Наумче Мојсовски, директорот на Агенцијата за спорт и млади и градоначалникот на Радовиш Ацо Ристов и спортската легенда Шабан Трстена. Новинарот Горан Милковски, сведок на сензационалните, историски подвизи на „Бучим-Јака“ кажа дека тие се симбол, модел и инспирација за успех на голем број ентузијасти и македонски спортисти. Проф. д-р Ванчо Чифлиганец порача дека нема големи и мали држави, туку луѓе со големо и мало срце, а борачите на Македонија, како луѓе со големо срце се искачија на врвот од светот. Сега се на потег се младите генерации, кои Чифлиганец ги повика храбро да чекорат кон шампионскиот врв, да го остварат својот сон и повторно да ја позлатат и афирмираат Македонија како европска и спортска светска велесила.

Адора

Поврзани вести

Адора со донација на лаптоп-компјутери за библиотеката во Радовиш

Во рамки на одбележувањето на 24 години Адора Бизнис Групација, на 28 август беше реализирана донација на лаптоп-компјутери за Општинската народна библиотека „Браќа Миладиновци“ во

ПРОЧИТАЈ ПОВЕЌЕ

Признание за проф. д-р Ванчо Чифлиганец за неговиот тридецениски придонес во македонското рударство

По повод Денот на рударите – 28 Август, Министерството за енергетика, рударство и минерални суровини му додели признание на проф. д-р Ванчо Чифлиганец за неговиот

ПРОЧИТАЈ ПОВЕЌЕ

Оглас за вработување

Помошник во кујна ПУСЗ „Оаза“ – приватна установа за вон-семејна социјална заштита на стари лица, го проширува својот тим и има потреба од помошник готвач

ПРОЧИТАЈ ПОВЕЌЕ

ОГЛАС ЗА ВРАБОТУВАЊЕ

Медицински сестри / Медицински техничари ПУСЗ „Оаза“ – приватна установа за вон-семејна социјална заштита на стари лица, го проширува својот медицински тим и има потреба

ПРОЧИТАЈ ПОВЕЌЕ

ОГЛАС ЗА ВРАБОТУВАЊЕ

Негуватели / Негувателки ПУСЗ „Оаза“ го проширува својот тим и има потреба од негуватели / негувателки кои со својата посветеност и професионалност ќе придонесат за

ПРОЧИТАЈ ПОВЕЌЕ

Официјално отворен Домот за стари лица „ОАЗА во Општина Илинден

Во присуство на претседателот на Владата, проф. д-р Христијан Мицкоски, претставници на државни и локални институции, деловната заедница, соработници и гости, официјално беше отворен Домот

ПРОЧИТАЈ ПОВЕЌЕ