НОВОСТИ

НОВОСТИ

„ШЛЕМОТ Е МОЈАТА КРУНА“ МОНОГРАФИЈА ЗА 15 ГОДИНИ АДОРА ИНЖЕНЕРИНГ – УСПЕШНА МАКЕДОНСКА ГРАДИТЕЛСКА ПРИКАЗНА И 40 ГОДИНИ УСПЕШНА ПРОФЕСИОНАЛНА КАРИЕРА НА ПРОФ. Д-Р ВАНЧО ЧИФЛИГАНЕЦ

„ШЛЕМОТ Е МОЈАТА КРУНА“ МОНОГРАФИЈА ЗА 15 ГОДИНИ АДОРА ИНЖЕНЕРИНГ – УСПЕШНА МАКЕДОНСКА ГРАДИТЕЛСКА ПРИКАЗНА И 40 ГОДИНИ УСПЕШНА ПРОФЕСИОНАЛНА КАРИЕРА НА ПРОФ. Д-Р ВАНЧО ЧИФЛИГАНЕЦ

2501Монографијата „Шлемот е мојата круна“ ја раскажува успешната градителска приказна по повод одбележувањето на 15 години Адора инженеринг и неколку значајни јубилеи во 40 годишната успешна и плодна кариера на проф. д-р Ванчо Чифлиганец. Неговата порака до младите е да веруваат во себе, а монографијата „Шлемот е мојата круна“ да ја читаат како учебник од која можат да научат како да станат успешни во животот, во бизнисот. „Млади, послушајте ме. Знам дека денес и овде, во овој неправеден свет не ви е светло, ама верувајте, јас тргнав од мрак. Од тунел и кал. Светлината на мојот шлем ми го покажа патот. И немојте да верувате дека светилката на шлемот свети додека има батерија во шлемот. Батеријата е во нас. Светлината е во нас. Оваа книга, и оваа приказна за Адора инженеринг е раскажана само за да сфатиме дека ние сите ја носиме светлината во својата душа, за нашите семејства и за нашата татковина. И затоа, ќе речам: „Нека биде светлина! Во секој човек! Во нашата Македонија. И бидејќи крајот е секогаш почеток, почнете. Со дела, драги мои. Јас исто така, се наоѓам на нов почеток. За почеток, ќе го почнам утрешниот ден! На објект, со шлем!“, порача проф. д-р Ванчо Чифлиганец на јубилејната прослава по повод одбележувањето на 15 години Адора инженеринг и 40 години успешна и плодна кариера. 146 Академик Таки Фити, претседател на МАНУ, за книгата „Шлемот е мојата круна“  оцени дека проф.д-р Ванчо Чифлиганец е човек со лидерски способности, а Адора инженеринг е компанија вредна за почит. „Радува фактот што оценките за Адора инженеринг и Ванчо Чифлиганец, што ги изнесов во 2012 година, денес комплетно ми се потврдуваат и дополнително ми се зацврстуваат. Кога се одбележуваше десетгодишниот јубилеј на Адора, моите оценки беа дека станува збор за типично претприемничка, иновативна фирма, за фирма водена од претприемач со лидерски способности и за фирма со потенцијал за брз раст. Резултатите што Адора ги постигна за овие 15 години тоа недвосмислено го потврдуваат – изградени 40 елитни станбено- деловни објекти, проектирани и изведени 2.700 станови, 300 деловни простории и 3.000 паркиралишта. Резултат вреден за почит“, порача Фити. Монографијата „Шлемот е мојата круна“ од афирмираниот авторски тим Дејан Азески, Нина Кепеска, Соња Маџовска и редакоторот проф. д-р Венко Андоновски изобилува со биографски факти. Од почетоците на проф.д-р Ванчо Чифлиганец, во родниот Раклиш, Радовиш, преку дипломирањето, магистрирањето и докторирањето на Рударско-геолошкиот факултет во Белград, успешното  раководење со рудникот „Бучим“ во неговата златна деценија, двата пратенички мандати во Собранието на Република Македонија, светскиот и европски триумф во борење на „Бучим Јака“, богатата филантропска традиција и 15 годишниот развој на Адора инженеринг, докажан градежен бренд во врвот на високоградбата во Македонија. За еден од авторите, историчарот, публицист и новинар Дејан Азески, Чифлиганец е апсолутно позитивен пример за младите претприемачи кои сакаат да се занимаваат со бизнис, а кои за жал, во Македонија сѐ помалку ги има. Поради тоа, истакна Азески, Чифлиганец има огромна одговорност пред себеси да продолжи да биде локомотива на иден можен економски  развој, за отворање нови работни места и за продукција на кадри кои се насушна потреба во наредниот период. Растежот на Адора инженеринг низ изминативе 15 години е всушност многу важен влог во растежот на македонската економија, но и на европскиот и меѓународен углед на Република Македонија во професионална и градежна смисла“, порача писателот Венко Андоновски, дел од авторскиот тим на книгата „Шлемот е мојата круна“, што отворено и низ бројки зборува за бројните инвестициски проекти на Адора инженеринг во изминатите 15 години, со околу 300 милиони евра економски обрт, за значајната поддршка на нациналната економија со над 14 милиони евра, исплатени за плати и придонеси на вработените, 24,5 милиони евра уплатени во државниот буџет за купено државно градежно земјиште, 16,5 милиони евра уплатени за комунални давачки во општинските буџети. 71 126 249

Адора

Поврзани вести

Во најтешките времиња носевме храбри одлуки. Душко Чифлиганец од Адора со впечатлив настап на форумот на најугледниот економски магазин во Скопје

„Градежништвото било, е и во иднина ќе биде наша примарна бизнис љубов, деловна пасија, што и покрај бизнис диверзификацијата на полето на финансиите, банкарството и

ПРОЧИТАЈ ПОВЕЌЕ

ИДНИНАТА ПОЧНУВА ДОМА

Извршната претседателка на Адора Бизнис Групацијата, д-р Драгана Чифлиганец е избрана за млада жена – бизнис херој, која успешно гради краиера – да биде пример

ПРОЧИТАЈ ПОВЕЌЕ

Адора инженеринг во ТОП 200 – Успешна приказна од градежната индустрија

„Адора инженеринг, којашто го прослави својот 20ти роденден изминатата година, неуморно продолжува да работи и да постигнува нови успеси“- објави едицијата 200 НАЈГОЛЕМИ И НАЈУСПЕШНИ

ПРОЧИТАЈ ПОВЕЌЕ

Најчитаните српски медиуми пишуваат за нашиот комплекс 21st Century Zlatibor

Воодушевени од неодамнешните објави на најпрестижните светски instagram профили за архитектура, ентериер и дизајн, кои низ текст и фотографии, во суперлатив го претставија новиот апарт

ПРОЧИТАЈ ПОВЕЌЕ