Со примопредавањето на становите и вселувањето на првите станари во рекорден рок од само една година по добиеното одобрение за градба и почетокот на изградбата, завршениот станбен објект „Аеродром Црква 2“, деновиве почна да живее како пријатно место каде повеќе од сто семејства имаат свој нов среќен дом. По предавањето на клучевите, станарите на овој енергетски ефикасен објект веднаш до „Аеродром Црква 1“, наспроти црквата Свети Илија во модерната општина Аеродром, почнаа да се вселуваат во новите сигурни, современи и долгорочно економични домови, изградени според најновите светски стандарди и трендови за квалитетно домување. Домовите со максимална функционалност, изградени по мерка на граѓаните, на станарите им нудат докажана врвна сеизмичка стабилност и пријатно уреден амбиент за живеење со сите придобивки на современото домување во објект со А енергетска класа, кој ќе им овозможи долгорочна заштеда на енергија и пари и неколкукратно намалени трошоци за греење и ладење. Адора инженеринг на сите нови станари во „Аеродром Црква 2“ во комплексот со повеќе објекти на само 10 минути пеш од плоштадот Македонија во Скопје, им посакува искрено и топло добредојде во новиот дом и нека тој им биде исполнет со здравје, хармонија, љубов, успеси и бериќет од среќа.