Под мотото „Свесни сме“, Адора Бизнис Групацијата организирано се придружи на розовиот октомври, месецот посветен на подигнување на свеста кај жените, за заедничка борба против канцерот на дојка, преку бесплатни превентивни прегледи.
„Со апел посебно до младите, но и до жените од сите генерации, редовно да се прегледуваат, зошто болеста не бира возраст, сакавме да дадеме конкретен придонес во грижата за женското здравје, меѓусебно да се поддржиме и заедно да му се спротивставиме на канцерот на дојка.“ – порача д-р Драгана Д. Чифлиганец, извршна директорка на Адора, која и во оваа прилика изрази жалење за колешката Биби Веселинова која на 32 години, бргу по породувањето, во 2018-тата, ја загуби битката со ракот, но многу често со нејзината насмевка и ведар дух, таа е присутна во мислите на колегите.
Дамите на Адора, кои комплетно се вклучија во акцијата „Во спомен на Биби“, ги повикуваат сите жени, но и надлежните институции, поактивно да се ангажираат во превенција и рана детекција на ракот на дојка, како најчесто малигно заболување и водечка причина за смртност кај жените во светот и во Македонија.






