Вработени, Купувачи на недвижности, Деловни партнери, Пријатели, на Адора инженеринг, благочестиви Македонци, Државни функционери, Верски служители, Христијани, Роднини, Познаници… во мое лично име и во име на Адора инженеринг дооел-Скопје, Ви посакувам многу здравје, среќа, бериќет во НОВАТА 2015 година. Нека Ви се оствари секоја желба која ќе си ја посакате лично, семејно и деловно во миговите кога во кругот на семејството ќе ги празнувате, новото лето господово 2015тто, божикната љубов, мир и радост од Христовото раѓање – Божиќ.
Искрено посакувам во сите нас да царува неизмерна љубов, духовен мир и поттик, да бидеме поуспешни, пополезни, покорисни од досега. Да бидеме подготвени да се подобриме, да ги отстраними своите и колективните слабости, да се натпреваруваме со самите себе, но и да се надминеме себеси. Така лично и колективно ќе напредуваме и ќе допринесеме Македонија да е попросперитетна.
Нека е 2015тта, година на: толеранција, трпение, меѓусебно почитување и разбирање. Во Светата божиќна ноќ да упатиме молитва за себе, за ближните, за мир, за развој и напредок, наша и на поколенијата сегашни и идни во библиска Република Македонија.
Искрено се надевам дека јас лично и тимот на Адора инженеринг, како и досега така и во иднина, се што ќе замисливме, ќе оствариме, ќе продолжиме да работиме на исполнување на нашите заеднички цели за подобра иднина на сите станари во недвижности кои ние ги градиме, но и за сите граѓани, и економија на Република Македонија.
Му благодарам на бога, и на Владините мерки што имавме позитивна бизнис клима за работа и растеж на бизнисот и себе докажување. Можев јас, во 2015 тта Можеш и ти!
Бидете благословени! Од срце и душа, Проф.д-р Ванчо Чифлиганец
