Апартхотелот 21st Century Zlatibor Residence, Spa & Wellness by Adora, резултат на соработката помеѓу Adora Business Group и македонската компанија ZAVAR, е добитник на престижната BIG SEE Interior Design Award – признание кое ги истакнува најиновативните и креативни архитектонски и дизајнерски проекти во Европа.
Овој луксузен хотелско-резиденцијален комплекс од пет ѕвезди, сместен во живописната природа на Златибор, нуди нови стандарди во туристичкото искуство преку својот иновативен концепт. Сите апартмани се модерно опремени и продадени на приватни сопственици, а комплексот работи според profit-sharing модел инспириран од успешни светски примери од индустријата за угостителство, особено од Дубаи.
Дизајнерските елементи реализирани од Zavar Design се препознатливи по нивниот современ индустриски стил, со прецизни линии, скулптурални форми и суптилен баланс помеѓу функционалноста и естетиката. Тие внимателно се интегрирани во ентериерот за да создадат уникатна атмосфера која ја збогатува целокупната визија на проектот.
Оваа награда ја потврдува нашата долгорочна и успешна соработка, како и посветеноста кон иновација, квалитет и извонредност во сите аспекти на проектот.






